Baydhabo, (insidesomalia.org) - Ammaanka Magaalada Baydhabo ayaa aad loo adkeeyay saaka, waxaana Magaalada ay saaka ku waabariisatay xaalad bandow ah.

Ciidamada Booliska iyo kuwa Itoobiya ayaa la dhigay Wadooyinka Magaalada oo idil, gaar ahaan kuwa galay Xarunta Baarlamaanka Soomaaliya.

Raysal Wasaaraha Soomaliya Nuur Xasan Xuseen ayaa waxaa uu kaqeybgaley kulanka Baarlamaanka, kaasoo su'aalo lagu weydiiyey.

Wararka lagaheleyso Baydhabo ayaa tilmaamaya in Gudoonka Baarlamaanka uu ku wargeliyay Mudanayaasha Baarlamaanka in ay soo xaadiraan shirka saaka oo ah mid aad xasaasi u ah.

Raysal wasaare Nuur Cade ayaa la filayaa in qudbad dheer uu ka jeediyo fadhiga maanta, waxaana uu diirada ku saarayaa wax qabadka Dowladiisa intii ay jirtay.

Mudanayaasha qaar ayaa doonaya in Raysal Wasaaraha Su'aal ka weydiiyaan Ammaanka Dalka iyo deegaanada aanay Dowladda Maamulin oo ay lawereegeen Xoogaga kasoo horjeeda Doaladda.

Sidoo kale waxaa jirey Su'aalooyin ku aadan Ammaanka Caasumada iyo xoogeysiga kooxaha Dawladda ka soo horjeeda oo weerara Xarumaha Ciidamada Dawladda, waxaana laga sugayaa in Raysal Wasaaraha dhamaan Su'aalahaas uu jawaab waafi ah ka bixiyo.

Xildhibanada Baarlamaanka ayaa ku tilmaamaya xaaladaha Dalka ka jirta in ay tahay habacsanaan dhanka Ciidamada oo aan qaarkood heysan wax Mushaaraad ah, taasna ay keeni karto in Ciidamadu sidii la rabay aan howlahooda uga soo bixin.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment